മിനിസ്ക്രീൻ പ്രേക്ഷകർ ഏറെ ഇഷ്ടപ്പെടുന്ന താരദമ്പതികളാണ് ശ്രീകുമാറും സ്നേഹയും. ഹാസ്യകഥാപാത്രങ്ങളെ രസകരമായി അവതരിപ്പിക്കുന്ന ഇരുവരും ഇന്ന് തിരക്കേറിയ അഭിനേതാക്കളാണ്. സിനിമയ്ക്കും സീരിയലിനും പുറമെ സോഷ്യൽ മീഡിയയിലും സ്നേഹയും ശ്രീകുമാറും ഏറെ ആരാധകരുള്ള താരങ്ങളാണ്. (ചിത്രത്തിന് കടപ്പാട്- ഫേസ്ബുക്ക്)
കുടുംബജീവിതത്തിലെയും മറ്റും വിശേഷങ്ങൾ സ്നേഹ ശ്രീകുമാർ സോഷ്യൽ മീഡിയ വഴി പങ്കുവെക്കാറുണ്ട്. ഗർഭകാലത്തെ അനുഭവങ്ങളാണ് ഇപ്പോൾ സ്നേഹ ശ്രീകുമാർ പങ്കുവെക്കുന്നത്. (ചിത്രത്തിന് കടപ്പാട്- ഫേസ്ബുക്ക്)
ഗർഭിണിയായിരുന്നപ്പോൾ അനുഭവപ്പെട്ട മൂഡ് സ്വിങിനെക്കുറിച്ചാണ് താരം പ്രധാനമായും പറയുന്നത്. ചെറിയ കാര്യങ്ങൾക്കുപോലും കരയുകയും വഴക്കിടുകയും ചെയ്തിരുന്നതായി സ്നേഹ ശ്രീകുമാർ പറഞ്ഞു. (ചിത്രത്തിന് കടപ്പാട്- ഫേസ്ബുക്ക്)
എല്ലാ ദിവസങ്ങളിലും തനിക്ക് മൂഡ് സ്വിങ് അനുഭവപ്പെട്ടിട്ടുണ്ട്. ഒരു ഗിളിക വാങ്ങാൻ അഞ്ച് മിനിട്ട് വൈകിയാൽ പോലും ശ്രീയോട് ദേഷ്യം വന്നിരുന്നതായും സ്നേഹ പറഞ്ഞു. ഗർഭകാലത്തെ മൂഡ് സ്വിങാണ് ഇതിന് കാരണമെന്ന് ശ്രീയ്ക്ക് വൈകിയാണ് മനസിലായതെന്നും താരം പറയുന്നു. (ചിത്രത്തിന് കടപ്പാട്- ഫേസ്ബുക്ക്)
പ്രഗ്നന്‍റായവരെ പ്രത്യേകം കെയർ ചെയ്യണമെന്നും സ്നേഹ ശ്രീകുമാർ പറഞ്ഞു. ഗർഭിണിയായിരിക്കുമ്പോൾ മറ്റുള്ളവർ നമ്മളോട് പെരുമാറുന്നത് മനസിൽനിന്ന് പോകില്ലെന്നും താരം പറഞ്ഞു. (ചിത്രത്തിന് കടപ്പാട്- ഫേസ്ബുക്ക്)
ഗർഭിണികൾക്ക് പെട്ടെന്ന് സങ്കടവും കരച്ചിലുമൊക്കെ വരും. സാധാരണ കേട്ടാൽ പ്രശ്നമില്ലാത്ത പല കാര്യങ്ങളും ഗർഭകാലത്ത് പ്രശ്നമായി മാറുമെന്നും സ്നേഹ പറഞ്ഞു. ഡെലിവറി കഴിഞ്ഞശേഷം, ഭയങ്കരമായി തടിച്ചെന്നും, വയർ കുറയ്ക്കാൻ ഒന്നും ചെയ്യുന്നില്ലേ തുടങ്ങിയ ചോദ്യങ്ങളും താൻ അഭിമുഖീകരിച്ചതായി സ്നേഹ പറയുന്നു. (ചിത്രത്തിന് കടപ്പാട്- ഫേസ്ബുക്ക്)