കിളിമാനൂർ : കോൺഗ്രസ് നേതാവ് സിപിഐ എമ്മുമായി സഹകരിച്ച് പ്രവർത്തിക്കാൻ തീരുമാനിച്ചു. കോൺഗ്രസ് മടവൂർ മണ്ഡ‍ലം സെക്രട്ടറി ബിനീസ് ബാബുവാണ് കോൺഗ്രസ് വിട്ട് ചെങ്കൊടിത്തണലിലേക്ക് എത്തിയത്.
കോൺഗ്രസിന്റെ ബിജെപിയോടുള്ള മൃദുസമീപനത്തിനെതിരെയും കോൺഗ്രസിൽ ചേരിതിരിവ് ഉണ്ടാക്കാനുള്ള മുൻ എംഎൽഎ വർക്കല കഹാറിന്റെ ശ്രമത്തിൽ പ്രതിഷേധിച്ചുമാണ് ഇദ്ദേഹവും കുടുംബവും പാർടി വിട്ടത്.
ബിനീസ് ബാബുവിനെ സിപിഐ എം ജില്ലാ സെക്രട്ടറി ആനാവൂർ നാഗപ്പൻ ചുവന്ന ഷാൾ അണിയിച്ച് സ്വീകരിച്ചു. ചടങ്ങിൽ ജില്ലാ സെക്രട്ടറിയറ്റംഗം ബി പി മുരളി, ജില്ലാ കമ്മിറ്റിയംഗം മടവൂർ അനിൽ, വി ജോയി എം എൽഎ, ഏരിയ സെക്രട്ടറി എസ് ജയചന്ദ്രൻ എന്നിവർ പങ്കെടുത്തു.
Comments