ഇറ്റാലിയന്‍ ഫുട്‌ബോള്‍ ഇതിഹാസം പൗലോ റോസി (64) അന്തരിച്ചു. ഇന്ന് പുലര്‍ച്ചെ ഇറ്റാലിയന്‍ ടി വി ചാനലായ ആര്‍ എ ഐ സ്‌പോര്‍ട്‌സാണ് അദ്ദേഹത്തിന്റെ മരണവിവരം പുറത്തുവിട്ടത്.
1982ലെ ലോകകപ്പില്‍ ഇറ്റലി കിരീടം നേടിയപ്പോള്‍ നിര്‍ണായക പങ്ക് വഹിച്ചത് പൗലോ ആയിരുന്നു. സ്‌പെയിന്‍ ലോകകപ്പിന്റെ ഫൈനലില്‍ ഇറ്റലി 3-1ന് പശ്ചിമ ജര്‍മ്മനിയെ പരാജയപ്പെടുത്തിയപ്പോള്‍ ആദ്യ ഗോള്‍ നേടിയത് റോസിയായിരുന്നു. ടൂര്‍ണമെന്റില്‍ ബ്രസീലിനെതിരെ ഹാട്രിക്കും അദ്ദേഹം നേടിയിരുന്നു. ടൂര്‍ണമെന്റിലെ ഗോള്‍ഡന്‍ ബൂട്ട്, ഗോള്‍ഡന്‍ ബോള്‍ പുരസ്‌ക്കാരങ്ങളും അന്ന് പൗലോ റോസിയാണ് നേടിയത്.
യുവന്റസ്, എ സി മിലാന്‍ എന്നിവയ‌്‌ക്കായി കളിച്ച റോസി എക്കാലത്തെയും മികച്ച ഫോര്‍വേഡുകളിലൊന്നായാണ് കണക്കാക്കപ്പെടുന്നത്.
യുവന്റസിനായി നാല് വര്‍ഷക്കാലമാണ് റോസി കളിച്ചത്.
Comments