വില്ലേജ് ഓഫീസർ ജീവനൊടുക്കിയത് സിപിഐഎം നേതാക്കളുടെ സമ്മര്‍ദ്ദം മൂലമോ? പരാതി നൽകി വില്ലേജ് ഓഫീസർമാർ

ഫെബ്രുവരി 11നാണു മനോജിനെ വീടിനുള്ളിൽ തൂങ്ങിമരിച്ച നിലയിൽ കണ്ടത്. അമിത ജോലിഭാരവും രാഷ്ട്രീയ ഇടപെടലും മാനസിക സമ്മർദവുമാണ് ആത്മഹത്യയ്ക്കു പ്രേരിപ്പിച്ചതെന്നാണ് വിവരമെന്ന് വില്ലേജ് ഓഫീസർമാർ നൽകിയ പരാതിൽ പറഞ്ഞിരുന്നു. പലവിധത്തിലുള്ള ഭീഷണി കോളുകൾ വന്നതിനു ശേഷമാണു മനോജ് ആത്മഹത്യ ചെയ്തത് എന്നതടക്കമുള്ള ആരോപണങ്ങളാണ് വില്ലേജ് ഓഫീസർമാർ ഉന്നയിക്കുന്നത്. മരണം സംബന്ധിച്ചു കാര്യക്ഷമമായ അന്വേഷണം നടത്തണമെന്നാണു വില്ലേജ് ഓഫീസർമാരുടെ ആവശ്യം. മനോജിന്റെ മരണം സിപിഐഎം പ്രാദേശിക നേതാക്കളുടെ സമ്മർദം മൂലമാണെന്ന ആരോപണവും ഉയർന്നിരുന്നു.